ວິຊາຫຼັກການປັບປຸງດິນ2

ບົດທີ 2 

ການຈະເລີນເຕີບໂຕຂອງພືດ ແລະ ປັດໃຈກະທົບ

1.      ການຈະເລີນເຕີບໂຕຂອງພືດແມ່ນແນວໃດ?

ການທີ່ຊາວກະສິກອນປູກພືດໄດ້ຮັບຜົນສໍາເລັດນັ້ນກໍ່ຂຶ້ນຢູ່ບ່ອນວ່າຜົນຜະລິດສຸດທ້າຍໄດ້ສູງ, ຖ້າໄດ້ຜົນຜະລິດສູງກໍ່ຖືວ່າໄດ້ຮັບຜົນສໍາເລັດ, ກຸ້ມຄ່າໃນການລົງທຶນ, ແຕ່ໄດ້ຮັບຜົນຜະລິດຕໍ່າ, ບໍ່ກຸ້ມຄ່າຕໍ່ການລົງທຶນ, ບໍ່ປະສົບຜົນສໍາເລັດ ຫຼື ລົ້ມເຫຼວ.

ອົງປະກອບຕ່າງໆທີ່ຄວນຈະພິຈາລະນາວ່າຈະຊ່ວຍໃຫ້ຊາວກະສິກອນສໍາເລັດໃນການຜະລິດພືດ: ຜົນຜະລິດ, ລາຄາຂາຍ, ຄ່າແຮງງານ ແລະ ຝຸ່ນ.

ອົງປະກອບຜົນຜະລິດຂອງພືດຜັກຄື: ຈໍານວນໃບ, ລວງຍາວຂອງໃບ, ລວງກວ້າງຂອງໃບ, ລວງສູງຂອງລໍາຕົ້ນ, ລວງຮອບຂອງລໍາຕົ້ນ.

ການຈະເລີນເຕີບໂຕຂອງພືດໝາຍເຖີງການພັດທະນາໄປທາງໜ້າຂອງພືດສາມາດເຫັນໄດ້ຫຼາຍທາງເຊັ່ນ: ນໍ້າໜັກແຫ້ງ, ຄວາມສູງ ຫຼື ຄວາມກວ້າງຂອງເສັ້ນຜ່າສູນກາງ.

2.      ປັດໃຈທີ່ມີຜົນຕໍ່ການຈະເລີນເຕີບໂຕຂອງພືດ

ປັດໃຈຕ່າງໆເທົ່າທີ່ຮູ້ກັນໃນປະຈຸບັນວ່າມີຜົນຕໍ່ການຈະເລີນເຕີບໂຕຂອງພືດນັ້ນສາມາດແບ່ງອອກເປັນ 2 ປະເພດຄື:

1)    ປັດໃຈທາງດ້ານກໍາມະພັນ ຫຼື ປັດໃຈພາຍໃນ

2)    ປັດໃນທາງດ້ານສະພາບແວດລ້ອມ ຫຼື ປັດໃຈພາຍນອກ

         1)   ປັດໃຈທາງດ້ານກໍາມະພັນ ຫຼື ປັດໃຈພາຍໃນ Genetic factor

ປັດໃຈທາງດ້ານກໍາມະພັນ ໝາຍເຖີີງ  ປັດໃຈທາງພາຍໃນຂອງພືດທີ່ຄວບຄຸມການຈະເລີນເຕີບໂຕ ແລະ ການໃຫ້ຜົນຜະລິດຂອງພືດ.

ລູກປະສົມຂອງສາລີ ແລະ ພືດອຶ່ນໆທີ່ໃຫ້ຜົນຜະລິດສູງ ແລະ ສູງກວ່າທໍາມະດານັ້ນເປັນຕົວຢ່າງທີ່ສະແດງໃຫ້ເຫັນຄວາມສໍາຄັນຂອງພັນທຸກໍາຈາກການຈະເລີນເຕີບໂຕຂອງພືດ.

ພັນທຸກໍາເປັນຕົວຄວບຄຸມຂະບວນການທາງດ້ານຊີວະສາດ ແລະ ສີລະສາດວິທະຍາຕ່າງໆຂອງພືດ.

•                     ແນວພັນ ແລະ ຄວາມຕ້ອງການທາດອາຫານ

•             ປະຕິກິລິຍາຮ່ວມຂອງພັນພືດກັບຄວາມອຸດົມສົມບູນຂອງດິນ

2)   ປັດໃຈທາງດ້ານສະພາບແວດລ້ອມ ຫຼື ປັດໃຈພາຍນອກ Environmental factor

ປັດໃຈທາງສະພາບແວດລ້ອມ ໝາຍເຖີງ ປັດໃຈທີ່ຢູ່ທາງພາຍນອກຂອງພືດ ແລະ ມີອິດທິພົນຕໍ່ການຈະເລີນເຕີບໂຕຂອງພືດ.

1)ອຸນຫະພູມ: ມີອິດທິພັນໂດຍກົງໃນການຄວບຄຸມຂະບວນການຕ່າງໆທີ່ກ່ຽວຂ້ອງກັບການຈະເລີນເຕີບໂຕຂອງພືດເຊັ່ນ: ຂະບວນການຜະລິດທາດແປ້ງ, ຂະບວນການຫາຍໃຈ, ການກະຕຸ້ນໃຫ້ຂະບວນການ enzyme ບາງຊະນິດ ແະ ຂະບວນການອຶ່ນໆ.

2)ແສງ:

ແສງເປັນແຫຼ່ງພະລັງງານທີ່ຈໍາເປັນສໍາລັບຂະບວນການສັງເຄາະແສງຂອງພືດ, ພືດທຸກສະນິດຕ້ອງການປະລິມານແສງຫຼາຍ ຫຼື ໜ້ອຍແຕກຕ່າງກັນ.

3)   ນໍ້າ ຫຼື ຄວາມຊຸ່ມ:

§  ສິ່ງທີ່ມີຊີວິດທຸກຢ່າງຕ້ອງການນໍ້າໃນການຈະເລີນເຕີບໂຕຂອງພືດ.

§  ນໍ້າມີຢູ່ໃນພືດສະເລ່ຍແລ້ວ 75% ຂອງນໍ້າໜັກພືດ.

§  ນໍ້າທີ່ຕົ້ນພືດສ່ວນໃຫຍ່ໄດ້ຮັບມາຈາກຮາກພືດດູດຂຶ້ນມາຈາກດິນແລະ ສ່ວນໜຶ່ງໃນພືດສາມາດດູດເອົາມາຈາກຄວາມຊຸ່ມໃນອາກາດ.

§  ອາກາດ: ອາກາດມີບົດບາດສໍາຄັນຕໍ່ສິ່ງທີ່ມີຊີວິດໂດຍສະເພາະແມ່ນໃຊ້ເຂົ້າໃນຂະບວນການຫາຍໃຈ.

4) ປັດໃຈດ້ານຊີວະນະ:

 ໝາຍເຖີງພືດ ຫຼື ສິ່ງທີ່ມີຊີວະດອຶ່ນໆທີ່ຢູ່ບໍລິເວນດຽວກັນ ແລະ ມີອິດທິພົນຕໍ່ການຈະເລີນເຕີບໂຕ ແລະ ໃຫ້ຜົນຜະລິດຂອງພືດ ເຊັ່ນ: ໂລກ, ແມງໄມ້, ສັດ ແລະ ວັດສະພືດ ເຊີງພືດທີ່ເຮົາປູກຖືກລົບກວນໂດຍໂລກແມງກໍ່ສາມາດຢຸດສະງັກການຈະເລີນເຕີບໂຕໄດ້ຄືກັນ.

5)   ແຮ່ທາດອາຫານ: 16 ທາດ, ພືດນໍາໄປໃຊ້ໃນກິດຈະກໍາຕ່າງໆທີ່ຈໍາເປັນສໍາລັບການດໍາລົງຊີວິດ ແລະ ການໃຫ້ຜົນຜະລິດເຊັ່ນ: H₂ ແລະ O₂ ໃຊ້ເຂົ້າໃນຂະບວນການແລກປ່ຽນພະລັງງານຂອງທາດ PHOSPHORUS ແລະ ການຮັກສາພະລັງງານ, ທາດ POTASSIUM ແມ່ນຂະບວນການ metabolism, ຂະບວນການເຄື່ອນຍ້າຍ ແລະ ຂົນສົ່ງທາດອາຫານ, Mn, Fe ແລະ Cu ຂະບວນການທໍາງານຂອງນໍ້າຍ່ອຍ.

ອ່ານຕໍ່ບົດທີ 3